Rampenbureau tin un papel crucial pa loke tabata e problema cu a tuma luga diabierna. Segun Rino Hermans, diabierna tabata tin un spill cu a tuma luga na hospital cu a bay den e sistema di riool cu ta bay na e planta di purificacion na Bubali Plas. E prioridad cu nan a pone diabierna, petje af pa e crisis team di hospital. Pa ora cu e structura nacional kier a setup, ya Brandweer tabata tin’e bao di control. Crisis team di hospital a pone tur trahado y pashent safe. E ora a keda cu e crisis secundario. Normal tin den un crisis e primario, cu ta un horcan of un temblor. Pero secundario ta bira un tubo ta kibra, candela y esey a pasa den e situacion di diabierna, caminda cu e diesel a drenta den e sistema di riool. DOW a wordo notifica di biaha y eynan nan a para na e verzinkputten, cuminsa chupa pa e no yega e planta. Asina mes un parti a yega e planta. Tin un diferencia entre e planta y e plas. E awa cu ta drenta e plas, ta e awa cu a keda procesa na e planta, esey ta drenta e plas. DOW a contene e diesel y durante henter e weekend a traha riba dje cu kimico y e profesionalnan di DOW. A contene di forma cu e diesel no a drenta e plas. Pero e luga ta reconoci como Bubali Plas, pero tin un planta cu ta procesa e awa y djey e ta drenta e plas. Esey a contene diabierna y diasabra. Diasabra anochi ora a haci e testnan di laboratorio, a resulta cu e tabata limpi pa drenta den e sistema.
Departamentonan envolvi
Cu e situacion eynan, a experencia un perfect storm. Tabata tin e unico hospital. Esey a bira e fuente cu mester a evacua. Pero Aruba a sigui draai su tras. Hospital su plan di emergencia a funciona. Tabata tin brandweer cu a tuma e encargo di e risiconan cu tabata tin pa candela, pero tabata tin directie volksgezondheid, mirando cu no tabata tin hospital. Salubridad publico tambe tabata den un risico pa e momentonan ey. Door cu tabata un spill, e ora Rampenbureau a bin aden y directie natuur pa e impacto di medio ambiente. E departamentonan ey a traha conhunto. Ora cu hospital a keda stabilisa, a bin pa Bubali Plas pa stabilisa Bubali Plas. Tur dos fuente ta di interes nacional. Hospital ta di interes nacional y Bubali Plas tambe ta di interes nacional. No ta un grupito di hende cu ta interesa den Bubali Plas, pero ta un interes nacional y a atende cun’e tambe na e nivel ey.
No tabata tin daño den Bubali Plas
Segun Hermans, na e Planta a contene e diesel. Eynan e profesionalnan di DOW por duna relato, pero no tabata tin daño te cu asina leu. Si nan a keda satisfecho cu e diesel a keda conteni den e planta. Prevencion den e siguiente dianan a haci cu a pone boom cu ta yega den Bubali Plas. E ta keda prioridad pa keda monitorea e sistema.
Control
Rino Hermans di Rampenbureau a splica cu e manchanan cu por a mira den e plas, nan tabata tey prome caba. Ta rutinario cu ta saca potret y ta test e awa di Bubali Plas. Esey a sosode tambe. Laboratorionan tabata test e awa frecuentemente pa por monitorea e diesel, con e ta bezig ta menguando den full e structura. E tecniconan di DOW, mientras tanto cu ta bezig na Hospital, esnan cu tabata encarga cu e planta a tuma e accion pa interveni durante full e proceso pa nan por yega eynan. A mira cu e potretnan a wordo promovi, pero nan no por a distingui y ningun di nan a haci test di laboratorio, manera DOW, no pa e situacion aki, sino pa check e calidad di awa.
Canalnan ta clean
E canalnan ta clean di e diesel. Ainda tin boom cu tabata uza den un oilspil ta poni den e canal. Si asina mes di e 9 mil liter, e 9 cub di diesel cu a liek yega y toch un paar por a skip durante e proceso den e planta, e boomnan tey pa want’e. Pasobra e no mag di yega Bubali Plas pase loke pase.
