E luna aki a selebrá e di 20 aniversario di e empresa Compliance & Forensic Services Caribbean ku un konferensia na Aruba i Kòrsou kaminda ekstensamente a para ketu na e riesgonan den kaso di pagonan ku ta surpasá frontera.
Ta na sèptèmber último Compliance & Forensic Services Caribbean a hasi 20 aña. Na 1997 e empresa a kuminsá ku un persona i mientrastantu e ta un empresa sólido, ku kolaboradornan repartí na dos establesimentu for di kua ta sirbi Karibe (Hulandes) i Sürnam. Den e siman di 16 pa 20 di òktober a tene un konferensia tantu na Aruba komo na Kòrsou.
Live hack
Señor Christian Prickaerts di FOX IT, establesé na Hulanda, tambe partner fiho di koperashon di Forensic Services Caribbean, a dirigí e seshon di e parti di Forensic-IT/ Cybercrime na e konferensia. El a kapta atenshon di e sala kompletamente yen ora el a demostrá bibu i direkto kon e kriminal sibernétiko na un manera profeshonal ta poderá di kòmpiuter i sin ku e doño ta sospechá algu mes e ta hasi transakshon den fondo i asina e ta eliminá informashon. Esaki ta impreshonante pasobra e promedio di tempu ku un hende mester pa por realisá ku nan a hack su kòmpiuter, ta 99 dia. Aparte di e peligernan, Christian a dediká atenshon tambe na tep i solushonnan pa por prevení esaki. Mas lat e aña aki, lo organisá un seshon mas pa un públiko mas amplio rondó di tópikonan relatá na Forensic IT, spesialmente dirigí riba riesgonan ku tur hende ta kore i kon pa buska protekshon kontra esaki.
Fintech, blockchain i bitcoin
Ademas tabatin un seshon di Compliance ku tabata fiha riba integridat i e resultadonan di e huramento di bankeronan manera nan ta hasi na Hulanda. Den atardi kuater eksperto a bai ekstensamente den e riesgonan di compliance manera nan ta mira esaki den trafikashon di pagonan ku ta pasa frontera (correspondent banking) i loke e bankonan lokal mester hasi pa limitá òf desviá e riesgonan aki. E ekspertonan a aserká e pida ei di forma diverso for di e situashon aktual i kon nos a yega aya te na posibel solushon, e posibilidatnan di fintech. Den esaki e teknologia di blockchain i e crypto currency, entre nan e Bitcoin, tabata pará sentral. E seshon a finalisá ku un diskushon amplio i kaptivante entre e pènel di eksperto i e partisipantenan tokante e bentaha i desbentahanan di crypto currency, e pregunta si esaki ta brinda kriminal mas òf nèt ménos oportunidat pa hasi nan fechorianan, i e futuro di Compliance. Un reakshon ku a skucha hopi tabata ku awor porfin algun piesa di e pùzel pa loke ta blockchain i Bitcoin a kai na nan lugá, i ku e seshon tabata un meskla perfekto pa for di compliance opservá e desaroyonan finansiero global aktual i di futuro.
Compliance & Forensic Services Caribbean ta wak bèk riba un konferensia sumamente eksitoso na tur dos isla, i yen di energia ta bai pa e siguiente 20 añanan. Pa informashon tokante eventonan binidero, sigui facebookpagina Compliance Forensic.Services.Caribbean.
