Cuerpo di Douane a sali pa algun aña caba for di e edificio riba LG Smith Boulevard. Tabata tin plan cu a papia di dje. Ricky Croes, hefe di Douane a splica con nan a sali for di 2015, cu e intencion di yega na un edificio nobo.
Tin tereno caba pa e edificio. Tabata tin tekening cu a traha, tabata tin diferente reunion cu a tuma luga. Pero el a para y tabata tin cambio di gobierno. Awor aki consehero di minister di finansas a dicidi di coy e situacion bek y ta haciendo lo posibel pa Douane por yega na su edificio.
Localidad
E localidad cu a duna Douane ta na Barcadera. Como referencia, net dilanti di DTI awor aki, tin den un skina, e edificio lo mester a bin.
E paso pa bay p’ariba
Locual mester sigur sigur ta e placa. E gebouw mester ta construi. Cu benta di e edificio bieu, kisas por yega na e fondonan necesario pa asina por keda cla cu e edificio.
Kico a pasa
E luga ta na benta, tabata tin interesado, pero e benta no a concretisa. Awor aki ta warda full e proceso cana segun ley y ora cu e ta cla, lo yega na e edificio e ora.
Kico lo kier na edificio
Douane merece un luga apto y completo pa duna servicio. Segun Croes, a papi’e den comision cu a sinta hunto, wak kico tur Douane tin mester, kico ta e plannan cu Douane tin y basa riba esey, a duna deseo y prepara tur cos. E arkitectonan a tene cuenta cu e deseonan pa Douane, tanto pa e cachonan cu tin mester, garage, autonan mester ta bon sigura, e sistema di traha unda cu tur hende ta traha paden. Security pa e Douanero cu ta traha den oficina. Tur esey a tene cuenta cun’e, na momento cu a planea pa yega na un edificio nobo.
Urgencia
Esaki ta algo basta urgente pasobra e edificio na Eagle no ta apto pa nan traha. Nan tin mester di e edificio mas pronto posibel, Croes a enfatisa.
Douane separa of hunto
Douane eigenlijk nan tin nan seccionnan cu ta traha riba nan mes. Nan tin cu traha na e localidad asigna. Pero awor aki tin Douane Recherche cu ta traha otro caminda, cu normalmente ta den su propio edificio. Lo ta ideal si tur por ta hunto esunnan cu mester ta hunto pa asina tin e miho comunicacion entre nan y asina por duna un miho servicio. No cu e ta trahando malo awor aki, pero si tur por ta hunto, e ta mas factibel, Croes a splica.
