Tele Aruba ta den un fase awor aki, cu lo bay bin dos persona pa forma un management team chikito, pa mira con lo mehora e situacion cu tin eynan. Esaki ta segun minister Chris Romero, durante conferencia di prensa di gobierno awe mainta.
E ta sigui splica cu di parti di Tele Aruba nan ta haciendo na maximo esfuerso awor aki pa mehora e situacion, pero definitivamente mester di atencion.
Un di e problemanan cu Tele Aruba tin, no ta solamente e programacionnan cu nan tin, pero social media mes ta matando no solamente Tele Aruba pero diferente otro compania y tambe diferente radio door di e posibilidad cu tin awendia eyfo. E cambionan eyden lo wordo anuncia pronto, e minister a enfatisa.
Den rood
Den e mesun rosea e mandatario a menciona cu nos planta nacional ta coriendo den un perdida chikito. Loke ta conoci a cu tin placa eyfo cu tin cu trece aden. Te asina leu Tele Aruba ta entre 1 y 1.5 miyon florin den rood. No ta facil pa ningun medio di comunicacion nacional of radionan tambe pa competi cu e tecnologia eyof y e otro diferente medinan cu por uza pa asina trece informacinnan dilanti, e mandatario a enfatisa. E ta keda un reto. Si mester bay wak con pa haci pa toch purba maske toch break even cu Tele Aruba, el a splica.
