Durante rueda di prensa di partido RED a splica e motibonan cu nan a wanta den e coalicion pa cuater aña, sabiendo cu tabatin problema. Despues di dos aña RED a haya e oportunidad pa mira si ta haya loke a acorda e acuerdo di gobernacion. MEP ta campeon pa hunga comedia y a haci esey bon cu RED.
Ricardo Croes, lider di partido RED, a bisa cu e pregunta ta dicon nan no a sali fo’i coalicion, ya cu cuater aña tabatin problema. El a indica cu e prome dos aña nan tabata number diesdos ya cu diesun tabata gobierno caba. Pa tur hende cu a sigui gobernacion y reunion den parlamento, por a mira y ripara kico tabata e plan. El a bisa cu e plan tabata stoot af RED den un forma p’e bula afo y asina ey por bisa cu partido chikito no ta wanta presion.
Awo por mira kico nan ta bisa di partido chikito ta malo y hopi cos mas. Segun Croes, nan a bisa cu partido grandi so ta bon, un solo partido. De facto nan ta bisa bo dictadura ta bon. Awo despues di dos aña RED no por a hunga un rol di cambio, nan no por a manda gobierno cas. El a recorda momento cu Daphne Lejuez a bula afo na 2019 fo’i coalicion, aki ta unda RED a haya e yabi di gobernacion.
Nos a bula afo, pasobra eynan tabata unda a haya e prome oportunidad pa mira si ta haya locual a acorda den e acuerdo di gobernacion ta ehecuta, entre otro, legalisacion di cannabis pa crea un pilar economico, pa crea trabou, crea industria, crea speransa. Nan a haya e oportunidad den cuater aña despues di dos aña pa cual partido MEP, cu ta campeon pa hunga comedia, a hunga un bon comedia cu nan. Segun Croes, nan a gaña RED y e tin tur WhatsApp entre e mandatarionan relaciona cu cannabis.
Pa mas lesa TREMPAN.COM.
