Diasabra ultimo, 18 di Mei e segundo stop di e IFCA ABC Tour Dutch Caribbean Championship a cuminsa cu 32 atleta. Condicionnan di biento tawata fuerte cu 25 nudo den mainta cu 4 eliminacion. Pa merdia e condicion di biento a subi pa 30 nudo cual condicion a hasi e careda uhn tiki mas dificil pa e windsurfistanan por a logra termina e ultimo 6 eliminacionnan pa e dia. 


Algun di e atletanan cu tawata tin posicion di podium manera Nigel Hart di Bonaire (NB-65) tawata tin menos bon suerte y a kibra e punta di su mast cual ta pone recuperacion di su posicion mas dificil.
Un atleta hoben y talentoso di Curaçao, Kaj Rozeboom cu solamente 12 aña di edad a compete den e categoria Under 15 demonstrando su talento y logra resultadonan cu e guy grandinan.


Diadomingo, e mainta a cuminsa cu biento entre 20 pa 25 nudo cu un total di 4 eliminacion y un careda final caminda tur atleta di tur categoria di tur isla ABC a surf hunto den un atmosfera amistoso y positivo. E evento IFCA ABC Dutch Caribbean Tour ta brinda e oportunidad na e atletanan di e isla pa experiencia un atmosfera competitivo adelanta y ta prepara e atletanan pa e campeonatonan international.

Resultado categoria Under 15:

1e lugar: Floris Kaffener (Aruba)

2o lugar: Toon Haathuis (Aruba)

3er lugar: Kaj Rozeboom (Curacao)

Under 17:

1e lugar: Terence Clappers (Bonaire)

2o lugar: Boris van Noort (Curacao)

3er lugar: Jaydan Saladin (Aruba)

Categoria Women:

1e lugar: Carmen Geelkens (Aruba)

2o lugar: Zara Rozeboom (Curacao)

3er lugar: Maxime Ingwersen (Aruba)

Categoria Youth Under 21:

1e lugar: Nathan Westera (Aruba)

2o lugar: Tom de Vries (Aruba)

3er lugar: Jay-Anthony Nicolaas (Bonaire)

Categoria Men Open:

1e lugar: Malik Hoveling (Aruba)

2o lugar: Arthur van Aalst (Curacao)

3er lugar: Woldemar Tedder (Curacao)

E ultimo stop di e IFCA ABC Tour Dutch Caribbean lo ta na Bonaire e fin di siman venidero di 24 pa 26 di Mei. Premiacion y Awards lo ser otorga officialmente door di IFCA na e ganadornan di e DUTCH Caribbean Championship na Bonaire.
Windracers Club Aruba ta gradici tur e sponsornan y voluntarionan cu a hasi e IFCA ABC Aruba Tour posibel.

Comments

comments