Cerbes Balashi pensando riba su fanaticonan, a hinca un tremendo campaña den otro cu ta permiti un di su clientenan biaha pa Boston, “meet and greet” y mira un di e weganan di e pelotero Arubiano Xander Bogaerts. Ian Molina, kende ta forma parti di e team di Mercadeo di cerbes Balashi, ta hopi entusiasma cu e campaña di Balashi cu nan a caba di lansa. El a splica cu e ta un campaña specialmente pa amantenan di Balashi y tambe di e deporte di Baseball.

E ta un tremendo campaña pasobra e ganado lo ricibi como regalo un biahe pa Boston, pa un weekend, unda cu e lo mira nada menos cu un wega di Boston contra New York Yankees, e soño di cualkier amante di baseball. Lo tin oportunidad tambe pa topa Xander Bogaerts den persona. E ganado lo wordo saca dia 15 di juli y e biahe ta programa pa e weekend di 28 di juli. Pues tres ganado ta biaha diabierna y ta yega bek diadomingo, na tempo pa bay traha. Balashi ta percura pa tur gasto.

Pa participa ta facil, cumpra bo caha di Balashi y riba e factura skirbi bo nomber, fam y celular. Despues manda esaki via Messenger di Balashi Aruba (Facebook). Gerencia di Balashi ta invita tur amante di baseball pa participa den e campaña y gana e chens único di mira un wega entre Boston y New York Yankees.

Cerbes Balashi ta hiba Bo Boston

Cerbes Balashi ta hiba Bo Boston

Posted by 24ora on Wednesday, May 15, 2019

 

Comments

comments