Casa Nonna ta un restaurant Italiano pero version Mericano. Den su tipo, e ta e unico na Aruba. Riba 3 di november ta tuma luga un evento anual caminda hunto cu nan partner lo tin oportunidad pa purba diferente tipo di biña.
Apart di esey, lo tin un chef cu lo ta encarga un ‘six course menu’ cu ta representa Casa Nonna. E chef lo haci un tremendo trabou p’asina e cuminda cay na agrado di un y tur.
Claro, pa haci reservacion ta facil. Por yama 5272699 p’asina sigura bo spot den e evento aki. E lo tin un costo di $135 cu ta inclui e ‘six course menu’ y cu cada plato lo ta compaña cu un biña cu ta cuadra cu e cuminda cu lo brinda. Merril van Trigt ta restaurant manager, el a splica cu e personanan presente lo ricibi un splicacion dicon a scoge cada biña compaña cu cada plato.
Jhon Vargas ta Jr Chef di Casa Nonna, durante e encuentro cu prensa el a conta con el a prepara cada plato. For di e smaak salo te cu esun un poco mas dushi. E menu ta consisti di un Grilled Bruschetta Shrimps compaña pa un toscana bread cu pepperonincini, scampi sauce y tomati.
Tambe lo conta c’un Octopus Capaccio combina cu basil leche de tigre ci awacati, kalamata mayo, ciboyo y tomati. Riba e menu tambe tin un Roasted Bone Narrow, Potato Gnocchi, Crispy Fried Crab Ravioli y Honeycomb Panna Cotta.
E invitacion ta keda na un y tur pa haci nan reservacion na 5272699 p’asina sigura cu bo no ta keda afo di e tremendo evento dia 3 di november proximo.
Paulien Stoker ta representante di Boma Wines, durante un entrevista el a conta di e biñanan cu nan ta brinda. For di esun mas sparkle, pa e rose sigui pa biña blanco. Un pa un Stoker a splica dicon a scoge cua tipo di biña pa cual tipo di plato. A conta cu tin biña cu ta conta cu e sabor di oleifi cu un sparkle hopi dushi mes.
Tin cu ta bin for di Italia cu ta conta cu e druif ros. Pa e combinacion di keshi tabata necesario pa combina un biña Russian River Valley Chardonanay of un Grans-Fassian y sin conta e biña dushi.
