Un representante di Headlines Group, cas editorial di 24ora.com y tambe bo matutino TREMPAN a sostene un entrevista cu e cantante di musica urbano Renald Thiel conoci artisticamente como “Ren”. Actualmente e ta residencia na Hulanda
E cantante a conta con su interes a desaroya pa musica R&B (Rhythm and Blues). Thiel a splica cu su interes a cuminsa for di su infancia cu a lanta den un ambiente di musica romantico (love songs). Cu transcurso di añanan a bin ta desaroya mas di e genero urbano.
E genero di musica cu e cantante ta dedicando actualmente riba dje ta: Canticanan romantico (love songs), R&B, Afro.
Cinco aña pasa Thiel a dicidi di bay residencia na Hulanda, unda cu actualmente e ta trahando riba produccionnan di “SOG Productions” hunto cu Twan, cu ta yudando nan pa crece. Ta promoviendo un album musical “3-3-3” hunto cu colaboracion cu dos artista di Corsou. E album lo ta riba mercado 27 di maart, lo por tende e temanan musical via radio emisoranan.
E cantante su mensahe na hobennan ta: “Sigui soña y sigui kere den bon mes tuma un risico”. El a agrega tambe cu no tur hende ta gusta e mesun genero, pero lansa bo estilo di musica y bay pa dilanti.
Ren su produccion ta disponibel riba tur plataforma como: ren_officialz riba You Tube y Spotify.
Pocopoco, pero sigur lo tende mas di e cantante aki cu ta cosechando exito riba mercado.