Aruba tabata monitor for di dia 12 di februari 2024 e incidente pa locual ta regarda e derame di petroleo (oil spill) na Trinidad and Tobago. Den e fase di monitor aki na Aruba ta considera cu ta den fase geel. Actualmente nos a haya e confirmacion cu na nos ruman isla di Bonaire y Curaçao a constata patchnan/teer di e derame di petroleo cu a yega na nan costa.
E situacion aki a pone cu Aruba a pasa pa codigo oranje cual ta significa cu ta pasa pa standby pa cualkier eventualidad. E fase oranje aki den e plan di accion pa locual ta regarda derame di petroleo pa Aruba ta, cu asina cu Bonaire sinti efecto di un derame di petroleo, Aruba ta pasa pa e fase oranje/standby. Den e fase aki lo pasa na e costanan regularmente y monitor si por constata patchnan/teer cu por a yega nan nos costa.
E accionnan cu lo tuma den caso cu constata patchnan/teer di azeta na nos costa:
Accion di limpiesa di biaha:
· Si e ta na un di e sitionan cu publico ta landa.
· Si e ta na un di e sitionan cu turtuga tin neishi of cu nan ta uza pa nan neishi.
No ta tuma accion di biaha:
· Tur patch/teer riba barancanan esakinan lo keda si nan no tin risico pa hende of bestia.
Di parti di Crisis Management Office (CMO) Aruba ta haci e yamada na tur persona cu ta bishita nos costanan den e dianan nos dilanti pa yuda tira un bista pa asina wak si ta detecta cualkier señal di patch/teer di azeta. Den caso cu constata algo por reporta esaki na
· e-mail [email protected]
· na telefon 588-0100
· app +297 592 9600
