Diabierna anochi alrededor di 7:30 pm polis a bay atende c’un caso di un chauffeur cu ta stuur auto bou influencia. Ta for di un rato caba cu tabata sigui un auto marca Chevrolet modelo Cavalier color blauw, numera A-77848. A sigui e auto aki for di rotonde na aeropuerto te cu un poco mas parib’i Brug Fredis Refunjol.
Ora polis a duna e chauffeur señal pa para, ya a nota su comportacion den trafico. Na momento cu e chauffeur a bisa polis: “Bon nochi”, ya por a cuminsa sospecha cu e ta betra. Pa siguransa, a haci un test di alcohol cu ne. E resultado no tabata na su fabor, mirando cu a constata cu e tabatin alcohol den su sistema. Den un transporte policial a transport’e pa ward’i polis, caminda lo present’e dilanti un subfiscal. Pa awo, e lo permanece encarcela.
