Diadomingo 1 di maart lo ta e di nuebe edishon di ya masha popular e Run & Fun walk. Mescos cu aña pasa e distancia lo ta 8 kilometers y por forma team mix duo pa participa den relay cu ta 2 ves 4 kilometers.

Tambe RCA lo bolbe organisa e Kids Run cu aña pasa tawata un exito rotundo. Registrashon ta habri dialuna 13 di januari on-line na e link rcarun.com y por pasa paga na Patrishi Store diamars pa diasabra 10or mainta pa 6:30pm. Ta accepta tambe pa swipe debit of credit card. E costo pa 8k Run & Fun Walk ta Awg 25,00 y pa relay Awg 50,00 pa team. Esaki ta inclui un nechi Dri-Fit shirt. Pa kids inscripshon ta Awg 10,00 cu ta inclui finisher’s medal.

Categoria Kids ta edad 4/5 6/7 8/9 10/11 12/13. Pa locual ta categoria 14/15 anja ta participa den relay. Esaki ta unico categoria den relay cu por forma team di solamente masculino, solamente femenino y mix. Den tur otro team relay e categorianan ta mix (masculino/femenino) y edad ta conta hunto; 31 – 60 anja, 61 – 90 anja, 91 plus. Pa locual ta categorianan di e 8k individual ta como lo siguiente; U20, 20-29, 30-39, 40-49, 50-59, 60+. Tur ganador lo ser premia cu trofeo.

Directiva di s.v. R.C.A. ta invita Aruba completo pa participa na e grandioso caminata aki. Manera semper dushi ambiente y e fondonan recauda ta bai bek pa juda e club cu gasto di mantenshon y tambe na materialnan di futbol pa e muchanan por sigi cu nan desarollo

Comments

comments