Esunnan cu no por vota mester un stem fuerte den parlamento!
Raymicheline ‘Misha’ Raymond tin 36 aña y awe ta huramenta como un dje dos parlamentarionan nobo di RAIZ. Raymond tin un carera como psicologo y ta traha cu mucha y hoben. El a studia na Leiden y a haci su master na Clinical Neuropsycology di mucha.
Despues cu el a termina cu su estudio, e ta trahando na Respaldo como psicologo. E ta mira mucha traumatisa, tambe famia cu ta pasa den duro of den dificultad. Un otro cos cu e ta haci den su carera como psicologo, ta atende cu problema psikiatrico. Un di su hobbynan ta makeup pero ta gusta lesa, cana y ta pafo. E ta gusta pasa tempo cu tanto su famia como amistad. E ta un persona cu ta “people person”, esta gusta ta rond di hende. Aunke e ta traha cu mucha, den su tempo liber ta pasa hopi cu su sobrinanan.
E idea pa ta den parlamento no ta solamente pa representa e stem di esunnan cu no por eherce nan stem di voto, locual t’e muchanan. E tin casi ocho aña trahando como psicologo y a realisa cu te un caminda por yuda sin cu mester por drenta un organo mas halto pa traha of implementa regla, incluso bin cu ley pa facilita desaroyo di mucha. Den e ultimo añanan a bisa esey hopi, pero e problema aki no ta resolve su mes. Cu e mesun pasion e ta eherce su carera como psicologo, t’e mesun pasion e kier hiba parlamento. E kier haci esey pasobra net esunnan cu no por vota tin mester di un stem mas fuerte den parlamento.
Pa cobertura mas amplio, lesa e edicion di TREMPAN.
