Recientemente a habri su portanan na Meiveld Hua Hing Food Center. E ta situa unda antes tabata Kong Fui Supermarket.
Gerencia ta sigura cu nan prijsnan ta hopi atractivo, un di e mihonan na Aruba, si no ta e miho prijsnan. Di cada producto tin un variacion den diferente marca, brinda e cliente mucho mas posibilidad pa loke ta gusto.
No pensa cu solamente ta haya productonan di un supermercadonan. Nan tin lo basiconan di un hardware store, permitiendo pa haya tur loke cu e mester den un solo sitio, den e caso aki na Hua Hing na Meiveld.
Riba henter e supermarket e prijsnan ta special. Nan tin tur producto cu ta haya den tur otro supermercado, cu marcanan conoci, y e unico diferencia ta e prijsnan cu ta hopi atractivo.
Un di nan atraccion ta e carniceria unda ta haya carni fresco. Diferente tipo di carni por haya cla caba pa djis yega cushina. Pero tambe tin e posibilidad pa bo haya cumpra na cantidad chikito, por ehempel menos di un liber.
Otro skina atractivo ta esun di materialnan di hunga pa e muchanan. Den e situacion dificil, por cumpra regalo pa e chikitonan na un prijs barata.
Y un di nan atraccionnan grandi ta e campaña di raspa y gana. Pa compra di 25 florin, ta haya un ticket pa participa den “raspa y gana”. Tin hopi premio, for di macuto te na artefactonan manera frigidaire, stove y hasta television pantaya grandi.
