Diamars parlamento a reuni ariba AZV, pa Minister di salud bin duna mas informacion tocante varios topico, e.o. Asociacion di Fisioterapeuta.
Tabata un reunion di suma importancia, ya cu ora ta papia di recorte den cuido, ta papia di decisionan cu ta basa riba bida y morto di nos ciudadanonan. Misha Raymond, di fraccion di RAIZ den parlamento, a indica cu nos ciudadanonan no por wanta mas, no por sufri mas. Esaki tambe ta bin di parti di Hulanda, y por sinti e presion den tur area, tur parti di comunidad. Awe mainta tambe a ripara esey den parlamento, durante reunion relaciona cu e recortenan den AZV.
Tur fraccion tin preocupacion cu nan ta vocifera cu nan ta cu pueblo, incluso fraccion di RAIZ. Enberdad tin un recorte grandi den cuido, pero tin un grupo eyfo cu no por warda te ora cu e situacion mehora, cual ta e muchanan.
Pa loke ta e punto di bista di AVF, cu ta sinti nan menasa pa cierto cambionan lo mester bin, Misha Raymond a sigui bisa cu di parti di gobierno, cu nan ta studiando kico ta e opcionnan y kico esakinan ta bay nifica pa e gastonan y con por yega na e 60 miyon florin. Pero no tin nada concreto ainda.
Pa un relato mas amplio, lesa TREMPAN.
