Diasabra, 28 di november, pa 7:00 p.m., Que Pasa Restaurant & Winebar lo organisa un dinner special di cinco plato cu ‘wine pairing.’ Durante e anochi aki, lo presenta diferente biña di Stags’ Leap, di Napa Valley na California, pa solamente $99 pa persona.
E chef a prepara un menu di cinco plato pa combina cu e biñanan selecciona. Cada plato ta acompaña cu un biña specifico cu ta complementa e sabornan di e cuminda y e biña mes.
E menu
E anochi ta cuminsa cu un amuse di Hamachi Tataki & Oyster, sirbi cu concomber, radeishi, tomati geel, ‘sourdough crisp’ y un vinaigrette di passionfruit.
Biña: Stags’ Leap Viognier, di Napa Valley, California, Merca.
E prome aperitivo ta consisti di ‘White Dutch Asparagus’ cu ‘scallops’, ‘chives’, ‘watercress’, ‘pecorino’ y ‘beurre blanc.’
Biña: Stags’ Leap Chardonnay, di California, Merca.
E di dos aperitivo ta ‘Jamón Ibérico’, acompaña cu ‘mousseline’ di bloemkool, hazelnut, champignon ‘shimeji’ y un saus cremoso di morel y truffle.
Biña: Stags’ Leap Merlot, di California, Merca.
Pa e Plato Principal, e huespednan lo haya Grilled Lamb Chops, sirbi cu bimi na grill, fondant di batata, biet cora, crème fraîche y jus di thyme.
Biña: Stags’ Leap Petite Sirah, di California, Merca.
E dinner ta cera cu un Matcha Cake, sirbi cu ganache di chuculati, strawberry Hulandes y pistachio ‘crumble.’
Biña: Les Fontaines Coteaux du Layon, di e region Loire, Francia.
Reserva bo mesa
E dinner ta habri pa tur hende, sea bo tin interes den biña of simplemente kier disfruta di un menu di cinco plato luhoso.
Ta necesario reserva di antemano ya cu e cantidad di mesa ta limita.
Pa reserva y pa mas informacion, bishita quepasaaruba.com.
