E comandantenan di brandweer di Aruba, Corsou, Sint Maarten y Hulanda Caribense a yega na acuerdonan durante e Reunion di Comandantenan CAS -BES na ’s-Hertogenbosch, cu ta enfoca riba fortificacion di nan colaboracion mutuo y e
prioridadnan conhunto pa 2027.
Durante e reunion, e temanan central tabata profesionalisacion di e organisacionnan di brandweer, calidad di e formacionnan pa personal di brandweer y fortificacion di colaboracion operacional. Tambe a trata topiconan manera calidad di instructor- y examinadonan, siguridad contra candela, combatimento di incidentenan y desaroyo continuo di enseñansa pa personal di brandweer.
Pa e aña binidero, e enfoke lo ta riba mas profesionalisacion, intercambio di conocemento, fortificacion di colaboracion operacional y desaroyo di iniciativanan conhunto. Den esaki, lo tene cuenta explicitamente cu e necesidad-, posibilidad- y desafionan specifico di e diferente cuerponan di brandweer.
E siguiente reunion di comandantenan di brandweer ta planifica pa december 2026 na Boneiro. Durante e reunion aki, lo discuti e lista di accionnan conhunto, e progreso di trabounan cu ta den proceso y e elaboracion mas detaya di e prioridad- y plannan anual pa 2027.
Pa medio di e Reunion Periodico di Comandantenan CAS -BES, e organisacionnan di brandweer participante ta sigui traha na un colaboracion structural, intercambio di conocemento y sosten mutuo.
Pa medio di traha hunto, intercambia experencia y combina experticio, e cuerponan ta contribui na un servicio di brandweer fuerte, profesional y prepara pa futuro den region Caribe.
