E supermercado Ten Sin ta keda net pariba di e Post di Bombero na Tanki Flip.
Diabierna mainta banda di 6or un candela feroz a cuminsa den e cura di e supermercado. Bomberonan a sali mesora ora e yamada a drenta. Na yegada a topa cu lenganan di candela cu tabata menasa e edificio completo. Polis tambe a yega na e sitio. Bomberonan a drenta den accion y cuminsa manda e prome straal di awa riba e candela pa evita cu e ta expande p’e edificio parti ariba. E candela tabata tras di e porta grandi cu tin banda di e negoshi. Finalmente a logra domina e candela.
E daño tabata considerable pero a evita un desaster. E doñonan Chines a presenta. Pa nos no ta conoci e causa di e candela.
