E plataforma di noticia mas grandi di Aruba www.24ora.com recientemente a saca un encuesta pa laga pueblo y principalmente carnavalistanan vota pa e cancion cu nan ta kere mester ta e roadjam di carnaval 70.
Inicialmente tabatin un competencia fuerte entre The Priest cu e cancion D’Fiesta y Mash Up di Galloway jr. E dosnan aki a laga e otronan hopi leu atras.
Na final Mash Up a sali ganado. Net dilanti di e kavel di 24ora.com riba Vondellaan Mark-Benson Denz a haci e anuncio oficial momento cu e grupo Champagne a yega eydilanti. A corona Galloway jr., cu e sombre cu team di 24ora.com a bisti durante e parada.
Pabien.
