Diasabra 27 di april a tuma luga e Caribang Worldwide Kingsday Special cu un tremendo ambiente y musica di diferente DJ y actonan internacional, entre otro Afrobros, Chukie y hopi mas.
Steve Andreas tambe tabata presente pa Caribang y ta bisa cu su presentacion a bay hopi bon. “E ta hopi great pa toca pa Rubianonan na Hulanda, ami mes como Rubiano a disfruta, bin cu musica nobo. Y bo ta ripara e vibra ta keda subi.” Steve Andreas ta bisa cu el a haya chens pa toca prome cu Chuckie cual tabata un bon experiencia. E hoben DJ ta bisa cu e ta sacando hopi musica y ta haciendo cosnan na Miami, Hulanda, y esaki ta bayendo hopi bon dus por spera hopi musica. “Tin hopi musica biniendo e aña aki.”
E escena di musica Caribense, Rubiano y di Antias completo ta creciendo na Hulanda. Particularmente den e area di Den Haag y Rotterdam unda e interes ta subiendo hopi mes. Tin e parti electronico y mas genero cu ta haciendo hopi bon impacto.
Eldwin Kock di Caribang a indica di tabata hopi contento cu e acogida di e fiesta, nan a bende hopi bon pasobra ta hopi hende a bin e fiesta y tur e DJs a haci un tremendo show. E idea di bin haci un evento pa Dia di Rey p’e Rubianonan y Antianonan ta algo hopi bon pasobra e dia ta hopi popular na Hulanda.
