Hopi keho a cuminsa drenta di ciudadanonan cu a mira un desaroyo nobo na San Nicolas. A tuma nota ta bezig ta marcando nobo riba suela. A pasa na e sitio y a constata cu banda di Carnival Village a cuminsa spuit diferente nomber pa kavel.
No ta tur tin e nomber completo. Pero esaki ta net riba e parkinglot di Carnival Village. Manera ta conoci, diasabra mainta DOW a cuminsa atende cu e situacion di kavel na Playa y a constata varios nomber cu nan a spuit riba acera.
For di algun dia caba nos a keda notifica pa vandalismo cu a comete na e parkinglot di Carnival Village y a resulta cu a spuit cu diferente nomber.
Solamente pa Parada di Playa hopi aña atras a dicidi di bini cu kavel, cu ta un entrada pa gobierno y ta regula e situacion pa evita pleitamento. Sinembargo na San Nicolas a dicidi cu no ta introduci e sistema di kavel. Hopi hende ta prefera e ruta di carnaval na San Nicolas, cu a sigui crece den popularidad. Asina popular cu awendia ta hopi trempan mester bay pa haya un bon luga. Probablemente esey ta motibo cu awo a dicidi pa nan mes marca nan kavel.
