Plan di Mayor kier introduci e programa piloto di KIES pa e muchanan entre 6-12 aña di edad. Plan di Mayor Aruba ta ofrece e servicio di KIES (Kinderen in een Scheiding). KIES ta un programa cu ta existi na Hulanda desde 2002.
Actualmente, tin 38 KIES coaches na Aruba. Esaki ta un programa di intervencion unda guia y yudansa di profesionalnan na mucha y hoben cu tin necesidad di wordo scucha y kier papia tocante e tema di divorcio of separacion di nan mayornan. E programa aki ta duna e mucha cu a yega di pasa of cu ta pasando den divorcio/separacion di e mayornan, e oportunidad y e espacio pa ta den un ambiente sigur cu otro muchanan pa asina por procesa e experiencianan di pasado of esunnan actual.
E trayecto ta consisti di 10 sesion, unda cu 8 di e sesionnan ta wordo dirigi pa 2 KIES coach cu un grupo di 10 mucha.
E programa piloto di KIES ta pa muchanan entre 6-12 aña di edad. E lo cuminsa na luna di mei 2024, lo tuma luga na MFA Santa Cruz y lo ta completamente gratis.
Pa por registra pa e programa, e mayor of mayornan di e mucha por yena e formulario aki: https://forms.gle/CiHMXmQw9jBKsiny9
