Algun ora pasa, a pone un sign di un restaurant nobo. Caminda tabata Tony Roma’s, pronto lo ta Denny’s. Denny’s ta masha conoci na Merca. E tabata na Corsou, pero el a cera, y awo e ta bay habri na Aruba.
Tara Prins, kende ta un di esnan responsabel pa Denny’s na Aruba y a splica un tiki riba e preparacion. Trabaonan ta andando y ta importante pa pueblo sa, kico precies lo bay sosode den e proximo temponan aki y dicon nan a dicidi di bin aki banda.
El a comenta cu Denny’s ta conoci door di e Arubianonan. Na Corsou, Arubianonan tabata bin masha hopi mes. No ta kere mester duna masha splicacion.
Denny’s ta un Family Dinning Restaurant, cu ta 24 ora habri. Ta duna Breakfast, Lunch y Dinner henter dia. Ta invita tur hende pa bay eynan.
Ki tempo tin pensa di habri
Segun Prins, den e siguiente simannan, e luga por ta cla pa habri. No por duna fecha specifico, pasobra e Mericanonan ta biniendo pa caba di haci e ultimo controlnan y training cu e empleadonan.
Personal
Denny’s ta exigi pa tin mas of menos 85 pa 100 empleado. Awor aki ta bezig cu werving & selectie rond Aruba. Tin algun informacion, paar di foyeto y boletinnan cu ta saliendo. Ta trahando tambe cu algun studiante di EPI pa nan tambe haya chens. Ta diferente areanan cu ta buscando personal.
Si tin hende interesa, por pasa na Denny’s mes for di 7’or di mainta y por laga nan informacion y ta tuma contacto cu nan despues.
Contento di bin Aruba
Tara Prins a comenta cu e ta contento di ta na Aruba y a haya bon cooperacion di e doño di e edificio. Nan ta bezig ta trahando duro paden pasobra pronto lo bin inspeccion y entrenamento.
24 ora pa dia
Denny’s na Merca ta habri 24 ora pa dia. Segun Prins, esaki ta pendiente si esey lo sosode na Aruba. Tin hopi negociacion ta andando pa esey. E frankisia ta exigi si pa nan ta 24 ora habri. Ta bezig cu esey si, Prins a menciona. Ta spera cu por logr’e tambe. Tur hende ta custuma cu Denny’s ta 24 ora habri.
Na 2007 mester a bende Denny’s na Corsou y na 2008 e overdracht a bay completo pa e doñonan cu a cumpr’e over. Lamentablemente a bin tuma nota cu e cos no a cana bon despues. Prins por bisa cu tempo cu nan tabata na cabes, nan tabata tin hopi bon maneho y no tin nada di keha riba esey. Ta haya jammer cu awor aki no tin’e na Corsou. Awor aki ta hayando hopi mensahe for di e Curasoleñonan. Nan ta puntrando ki dia e luga ta habri pa nan por tey pa e apertura.
No tabata un stap dificil pa tuma, segun Prins. Ta manera un otro area di famia nan tin eynan. Nan ta algun dia na Corsou y algun dia na Aruba. E fecha lo ta pronto. Awor aki nan ta den e fase di preparacion. E frankicia a indica cu mester pone e sign tanto siman prome cu e luga habri, y a cumpli cun’e.
