Diamars merdia, Prome Minister Evelyn Wever-Croes y Minister Glenbert Croes a ricibi
Grupo Nucleo 60+ pa un encuentro pa discuti preocupacionnan y puntonan critico di dicho
grupo pa cu e proximo periodo di gobernacion.
Grupo Nucleo ta un plataforma cu ta repressenta 26 grupo di esnan di tercer edad for di
diferente bario aki na Aruba. Mescos cu e vision di Gobierno di Aruba, e grupo aki tambe ta
preocupa cu e grupo vulnerabel aki y ta desea pa yega na un miho cuido pa nan.
E grupo ta preocupa cu varios aspectonan di gobernacion entre otro economia di nos pais,
Prima di AZV, cuido, siguridad, leynan, belasting y enseñansa.
Pa Prome Minister y Gobierno di Aruba prioridad ta pa mehora e cuido pa nos grandinan y
brinda nan un calidad di bida cu nan merece. Nan esfuerso y sacrificio pa construi un bon
pais pa nos, no lo ta envano pa cua motibo tambe Prome Minister ta garantisa cu cuido
general di nos grandinan tin un luga hopi importante pa Gabinete Wever-Croes.
Prome Minister ta asegura Grupo Nucleo 60+ y tur nos grandinan cu nan lo bay gosa di e
frutonan di e cambio cu Gobierno di Aruba lo trece pa nan.
