Recientemente tabatin un competencia internacional di bodybuilding organisa door di “International Federation of Body Building and Fitness” y nan a keda hopi contento cu tur e cooperacion ricibi door di Gobierno di Aruba, lidera pa Prome Minister Mike Eman.
Riba e website di IFF por lesa cu Prome Minister di Aruba Mike Eman a ricibi, den nomber di Presidente Santonja, e prestigioso “IFBB Distinguished Services Award” como reconocimento pa e apoyo brinda durante e reciente competencia cu a hiba e nomber di “Ben Weider Legacy Cup” (BWLCA), cu a tuma luga di 4 pa 6 di augustus na Aruba.
Den e articulo ta menciona algun detaye di e Prome Minister di Aruba y e partido cu e ta representa.
E reconocemento na e mandatario a wordo entrega door di president di “Aruba Bodybuilding & Powerlifting Association” (ABPA) y di “Central America & Caribbean Federation” (CACBBFF), John (Giovanni) Arendsz, kende tabata organisador di e BWLCA.
