Prome Minister Mark Rutte, minister Scouten di Agricultura, Naturalesa y calidad di alimento y tambe minister Bruin pa Salubridad Publico y Deporte, lo biaha entre 25 y 29 di November 2018 pa Colombia riba un mision comercial.
Tambe minister Steven martina di Desaroyo Economico di Corsou y minister Xiomara Ruiz-Maduro di finansas, asuntonan economico y cultura di Aruba lo forma parti di e mision aki.
Hans de Boer, presidente di VNO-NCW, ta lider empresarial pa e mision comercial aki unda cu empresa y institucionnan di conocemento di e sectornan AgroIndustria y Horticultura, Life Sciences & Health, awa y logistica y mobilidad di bicicleta, por forma parti di esaki.
Tras di e mision comecial pa Colombia, prome minister Rutte lo biaha pa Buenos Aires, Argentina, unda cu e lo participa den e cumbre di G20 dia 30 di November y di 1 di December.
Hulanda lo participa den e cumbre aki riba invitacion di e actual presidente di Argentina.
E G20 ta un forum informal unda cu lidernan gubernamental di economia mas grandi di mundo ta debati riba varios tema, manera stabilidad financiero, crecemento economico y desaroyo.
