Den e aña aki p’adilanti, lo bin cu control mas estricto riba cierto tereno segun Ivette Geerman di e Departamento di Higiena di Directie Volksgezondheid (DVG). Un di e puntonan di atencion cu departamento di higiena ta trahando riba dje ta control di productonan cu ta bin di exterior (cu barkito). Yvette Geerman a splica cu na momento cu nan yega Aruba, ta controla nan. Riba esaki lo bay pone enfasis riba nan. Aña pasa a tene un accion grandi hunto cu otro departamentonan, na momento cu e barconan ta drenta Aruba, con e productonan ta poni riba e barkitonan, no ta e forma di mas corecto. A forma parti di un accion grandi, unda cu lo sigui delinea, cu eynan tambe ta e parti di admision, cu prome cu nan drenta, con e lo mester ta y despues tambe, ora cu ta distribui esaki. Den esaki tambe mester tin un modo mas higienico. Ta cosnan cu ta sigui delinea, pa despues traha riba nan pa pone extra atencion.

Reglanan

E forma con e comercio a tuma luga entre Aruba y Venezuela tabata algo di hopi aña. Despues di hopi aña, cosnan a bira manera custumber, cu e control no tabata asina tanto riguroso. Awo, mirando e situacion cu a sosode entre Aruba y Venezuela, ta yega e momento cu departamento di higiena, lo bay pone reglanan mas estricto tambe, pasobra lo tin cu hisa e calidad di cuminda cu ta drenta na Aruba, cu no por acepta kico cu ta y con cu ta cu ta drenta aki. Esaki entre otro lo pone extra atencion riba productonan cu ta drenta, mester tin un certificado di salud, cu ta bisa cu ta apto pa consumo humano. Mescos cu ta sosode cu paisnan grandi, ora cu nan ta drenta via cargo, semper via Venezuela. Eynan si nan ta bin cu un certificado di salud. Si algo mester bay malo, mester por trace bek for di unda e ta bin. Awor aki cu e caso aki, ta un di e puntonan cu lo pone atencion y lo bay exigi cu lo mester tin un certificado di salud di autoridad di Venezuela, cu e producto ey ta sali pa bin Aruba, y prome cu e drenta aki.