Diabierna anochi na 99 Bar Restaurant hopi persona tabata bebe y gosa. Pero dirpiente un pareha a cuminsa pleita cu otro.
E muhe a bira agresivo y a cuminsa dal su pareha masculino. E homber a opta pa no dal e muhe, pero a purba di evita haya wanta na cara. Durante e discusion e muhe a pasa man pa un boter y tir’e riba su pareha. Como cu e problema tabata bayendo for di man, un trahado y cliente a dicidi di calma e situacion door di wanta e muhe, mientras tabata yama polis.
Polis a yega na e sitio y di biaha a bay purba calma e situacion, pero e muhe no tabata drenta den rason. El a cuminsa altera cu e polisnan. Mientras cu tabata deten’e, a pidi asistencia di transporte policial pa hib’e warda di polis. Polis a tuma declaracion di loke a pasa pa pone den nan rapport.
