Hubert Jansen ta un hoben copiloto Rubiano cu ta biba na Hulanda. El a nace na Rotterdam, Hulanda, na aña 1978, pero a bin biba na Aruba na un edad relativamente hoben. Su tata, kende tambe ta yama Hubert, ta hopi orguyoso di su yiu homber. Locual ta mas special, ta cu, prome biaha cu Jansen ta baha un boeing 777 di KLM na Aruba.
E ta un copiloto y semper a baha e boeing na diferente pais rond mundo, pero esaki ta prome biaha cu e ta bah’e na Aruba. El a keda un dia Aruba pa djey regresa tera friu pa su mañan. E ta un dia special pa tanto e yiu copiloto como e tata.
E tata a conta cu for di chikito Hubert kier a bira piloto. Te hasta ta corda e dia cu el a menciona esey y te cu a realisa su soño. Tabata ora cu e yiu hunto cu su tata a biaha pa Hulanda y Hubert a mira un avion. Desde e dia ey, tur cos relaciona cu aviacion ta atrae. El a caba su Havo na Aruba djey sigui cu su estudio avansa na Hulanda.
P’e ultimo diesseis aña e ta traha pa KLM. Na final el a conseha tur hoben cu kier bira piloto pa haci nan best nan scol, comportacion y dedicacion na ta algo importante, segun e copiloto. E copiloto tin 43 aña di edad di cual for di su 27 aña e ta bula pa KLM.
