Presupuesto 2021 falta solamente un fase pa e yega Parlamento. Esaki ta loke cu minister di Finanza Xiomara Maduro a informa e siman aki. Nan a ricibi e presupuesto bek for di Raad van Advies. Ta bay analisa e preocupacion of sugerencia, y despues di haci e adaptacion, ta manda e concepto pa parlamento di Aruba.
E necesidad financiero di Aruba den presupuesto 2021, no ta mucho diferente cu esnan di aña anterior. E ta inclui e ayudonan cu mester brinda den cuadro di e ayudo financiero a base di e pandemia. Den 2020 un tercera parti di Aruba su economia a bay perdi, cinco mil cupo di trabou a bay perdi. A haya yudansa for di Hulanda, cu tabata fiansanan condiciona. E prome dos añanan ta refinancia debe via di Hulanda.
E mandatario a splica cu e hecho cu e cuentanan anual no ta completamente cla, no ta afecta e acuerdo cu tin cu Hulanda. Con ta bay soluciona esaki, ta hinca den e Landspakket. Esaki ta un problema cu fundacionnan cu ta haya yudansa di gobierno. Esaki ta e motibo cu a pidi un investigacion profundo den e area aki, riba e placa di gobierno cu ta bay pa e fundacionnan.
E presupuesto probablemente lo yega parlamento e luna aki ainda y lo bay pone fecha pa e debate publico.
