Garage Centraal tin diferente special riba auto. Ademas di esey ta den cuadro di e Mega Hunter, segun marketing manager, Rodney Kock. Tambe nan ta anunciando cu entre esnan cu probecha di e Mega Hunter, for di awo te cu e final di e campaña, lo rifa un crucero pa dos persona cu Royal Caribbean.
Esey ta inclui e pasashi di Aruba pa Miami pa bo tuma e crucero. Ta un pakete completo y ta bay ta duna entre esnan cu cumpra un auto for di awo caba. Un y tur por pasa busca e carorder di e auto, cual ta un di e rekisitonan, y bay bo banco.
Papelnan necesario
Tur loke bo tin mester pa bo haya e auto di bo soño ta ID valido, dos ultimo payslip pa luna y cuater si bo ta cobra cada kincena, carta di trabao y naturalmente e carorder di e vehiculo cu bo ta desea di haya di Garage Centraal.
Bo ta bay banco, bo ta haya bo auto y fuera di esey bo ta haya oportunidad pa haya participa den e rifa pa un Crucero.
Modelonan
E bentaha cu tin na Garage Centraal ta e variacion di e modelo, y opcionnan di prijs ta super amplio. Tene na cuenta Hyundai, cu tin desde e Eon di 20.400 florin cu ta super compacto. Tin e Accent cu ta super popular. Den SUV solamente tin e Hyundai Creta. Tin tambe e superpopular Tucson. Tin Santa Fe cu a haya un revamp algun tempo pasa.
Parti di Volkswagen a haya e Jeta, un midsize sedad, tremendo specs, super bon riba caminda. E ta disponibel for di apenas 43.995 florin.
Bo kier pickup, no ta problema. Tin Isuzu Dmax. Hendenan cu conoce pick up, sa e nivel di calidad cu e autonan tin.
Kico cu bo kier Garage Centraal tin disponibel. Tur hende por pasa y bishita e tienda y wak e variacion cu tin y kico ta pas den bo presupuesto y Garage Centraal cu mucho gusto lo yudabo.
Den e caso di Hyundai, tin un special coriendo for di algun tempo caba, cual ta e Hyundai Summerspecial. Ta 5% di descuento riba Eon, Grand i0, Grand i10 Sedan, Accent y e Hyundai Creta SUV.
Ta modelonan di mas popular den line up y esey a pone 5% pa haci’e mas facil pa hende yega na e auto. Por purba di economisa y esey ta un manera pa yuda e cliente pa por yega na nan auto nobo. Si combina esey cu e 6.5 di Aruba Bank, e hecho cu ta cuminsa paga na 2020, ta haci un caso hopi completo cu e ta un bon idea pa pasa Garage Centraal pa pasa check bo auto.
