E pareha real ta marca shete aña di matrimonio diadomingo – y nan tin hopi pa celebra. Prins William y Kate Middleton a yama bon bini na nan di tres yiu – Prins Louis – dialuna, uniendo na e ruman homber mayo, Prins George y ruman muhe grandi, Prinses Charlotte den e famia real.
Awo cu nan ta na cas na Kensington Palace cu nan baby, Prins William y Kate Middleton a cuminsa nan bida como un famia di cinco.
“E ta completa nan,” biografo real, Ingrid Seward a bisa People den nan cover story di e siman aki. Un amigo di e pareha a nota cu Kate, di 36 aña “ta un di tres ruman, y ta un bon tamaño familiar. Mucha homber – mucha muhe – mucha homber, ta genial.”
Paternidad, e amigo ta agrega, a cay nan bon. Nan ta disfrutando di dje y nan ta hopi contento.”
Shete aña pasa, Kate a cana den Westminster Abbey den su bisti iconico di Alexander McQueen, pa asina casa cu Prins William, den un matrimonio di fantasia cu tabata desaroyando pa varios aña. E pareha glamoroso, cu a topa na universidad, a casa den un ceremonia cu tabata observa cu e mesun interes global cu e mayornan di e prins, Prins Charles y defunto Prinses Diana, kendenan a casa na 1981. Un aña y mey despues cu nan a casa, nan a anuncia e feliz noticia cu nan tabata sperando nan prome yiu. Prins George a nace na Juli 2013 y prinses Charlotte a bin dos aña despues.
Ruman homber mayo, Prins George, 4, y ruman muhe mayo, Prinses Charlotte, lo cumpli 3 dia 2 di Mei, “ta hopi emociona”, un otro amigo a isa: “Kate ta preocupa cu Charlotte lo sinti’e mas duro cu e mas hioben, pero e ta un mucha muhe asina sigur di su mes y e ta crece asina lihe cu Kate ta spera cu e adapta.”
Den e ciudad natal di Kate, Bucklebury, “tur hende ta encanta cu nan,” un habitante a bisa. “Ta maraviyoso cu Goerge y Charlotte tin un ruman homber chikito pa hunga cu nan y Carole lo ta completamente loco.”
Cu e baby nobo, di cinco den liña pa e trono, “ta spera cu e mucha chikito lo por biba un tiki for di e foco,” un otro habitante di Bucklebury a bisa. “Nos ta spera di wak’e den e parke local.”
