Presidente di Aruba Taekwondo Bond “ARTBO” Dr. Guaicaipuro Jimenez a presencia e preparacion di e dos atletanan di Brazil Taekwondo Stichting cu ta preparando duro duro pa e Pan Americano y e Costa Rica Open di e luna aki.
Aruba tin 4 atleta cu ta bay representa Aruba na e Pan Americano di Cadet y Junior na Costa Rica y tin dos atleta cu ta preparando na Colombia, mientras cu e team di Brazil Taekwondo Stichting cu a bolbe for di Korea ta sigui cu nan preparacion na Aruba. Aruba ta conta cu un team di 7 atleta cu ta bay participa na e Open di Costa Rica cu dos coach pa e team dinamico. Aruba por conta cu un team cu ta bay duna bon bataya na Costa Rica, mirando e preparacion cu e atletanan ta hañando pa asina nan ta bon bon prepara pa representa Aruba. ARTBO ta contento di por tin un team di 7 atleta pa representa Aruba na Costa Rica.
Dr. Guaicaipuro Jimenez ta sigura cu Aruba lo haña su lugar bek na mundo, demonstrando cu Aruba su Taekwondo ta ariba e bon caminda.
