Temporada di Carnaval oficialmente ta cuminsa diasabra 6 di januari 2024, pa 8:00pm cu e prome parada cual ta e Parada di Flambeu, miho conoci como Fakkeloptocht.
E parada ta sali for di dilanti di cas di Don Milo Croes, net dilanti di ex-Kooyman, subi Vondellaan, djey bira bay abou, subi L.G.Smith Boulevard. Sigur, e automobilistanan cu ta pasa tur dia riba e pida caretera aki, ta bonbon na altura cu e caminda aki ta den mal estado. Pa hopi tempo no a drecha e caminda aki, ya cu semper Gobierno tabata bisa cu no tin placa, etc.
Pero, ata, mañan cu ta Fakkeloptocht, ya caba prome cu merdia por a tuma nota cu DOW tabata bezig ta lapi e buraconan cu tabata riba e ruta, pa asina e trailer, auto-, carosa- y trucknan por pasa trankilamente, sin ningun problema.
Por a hasta wak e ploeg di DOW cu ta haci cant’i caminda limpi, tabata haciendo ful e ruta limpi, mas tanto dilanti di Linearpark. A lanta tur foyo, tur sushi bay cu ne pa asina e luga keda limpilimpi
FAKKEL
Pa 6:30pm lo cera tur caminda, asina ta, gruponan, yega na ora pa asina tur cos por cuminsa na ora y caba na ora.
Ban nos tur aporta na gosa carnaval sanamente.
