Mientras cu na Aruba, prensa a custuma caba di ta parti di debatenan politico y no ta ni reacciona mas riba insinuacion of atakenan di politiconan, na Hulanda e storia ta diferente. Ayera pa di dos biaha sigur cu prensa Hulandes ta sali defende nan mes contra Gobierno di Aruba y/of partido MEP. E periodista Hulandes cu ta informa riba noticianan di Caribe Hulandes pa e media NOS a reacciona pisa contra Lider di Fraccion di MEP, Rocco Tjon.
A bira normal cu ki ora publica un noticia cu no ta na agrado di Gobierno of no ta yuda nan “mustra bon”, mesora ta sali bisa cu ta “Fake News” of ta eroneo. Remarcabel ta cu den nan defensa nan ta admiti henter contenido di e noticia, pero toch ta purba “label” e noticia como eroneo. Publico lesado y siguido di media local entretanto a compronde e strategia caba y ta consciente di e forma di descredita medionan di comunicacion. E prijs cu un politico na Aruba ta paga ora ataca medionan di comunicacion ta halto y varios partido politico y politiconan individual ta na altura, nan a sinti’e pisa den nan votonan.
Pero ta parce cu coleganan Hulandes si ta dispuesto pa contesta Minister y Parlamentarionan ki ora nan ataca media of purba atacha nan integridad periodistico. Den e caso specifico aki a corigi Parlamentario Tjon y mustr’e riba su rol como controlado y supervisor di Gobierno y no como supervisor di prensa.
Lesa aki e reaccion completo:
