Coordinadora di Fundacion pa Hende Muhe den Dificultad, Magali Maduro a splica cu nan a wordo yama como fundacion pa asisti na e comision CASA, pasobra esaki ta un plan cu a sali for di e sector publico. Hopi biaha ta bisa cu gobierno tin cu actua, pero e biaha aki, esta un hende homber a acerca e fundacion, hunto cu mas hende muhe cu ta preocupa pa e situacion cu ta pasando na Aruba. E concientisacion pa pueblo ta hopi importante. No mester cada biaha cu yega un hype y despues tin cu warda pa un proximo biaha. Ta hendenan hostina di e situacion cu tin na Aruba y a bisa no mas.
Awor aki ta bay stop cun’e. Door di haci accion ta haci esaki y como fundacion ta sostene e grupo aki cu ta bay haci e accionnan aki.
Diahuebs ta pidi tur hende pa sali for di cas cu paña preto bisti, pasobra mañan tin entendi cu e agresor di e dama fayeci, ta aparece dilanti di hues, pa mustra e indignacion cu ta sosodiendo na Aruba. No sinta man crusa y pensa cu otro hende lo regla e problema aki. Por ta mañan e por bay cay den bo seno familiar. E ora nos tur ta bay lamenta, bolbe bisa cu cosnan mester cambia. Cosnan no a cambia durante 8 luna. Na November caba tabata tin dos victima di violencia domestico. E mama den e caso aki, tabata un dama cu tabata wordo abusa door di su pareha. Awor aki 8 luna despues, ta confronta cu un situacion unda cu un dama ta wordo mata pa su pareha. Atrobe, conmocion den comunidad. No kier conmocion mas, nos kier accion. Pa e motibo aki e fundacion ta join e grupo pa haci e accion. Laga corte sa pa pone strafnan cu ta yuda e persona aki tambe, pasobra sa cu e mester tin su problemanan. Si bo ta dun’e un castigo maximo, dun’e cu un ke otro guia ta bin, KIA no ta haci nada cu coreccion. E hendenan aki ta bay, ta sinta 9, 12 aña, nan ta bolbe sali pa haci cualkier otro delito.
Kier evita esey y kier pa nos yiunan lanta den un comunidad un tiki mas sano. Mester actua awor aki.
For di awo pa fin di Augustus, lo bay tin basta accion cu lo tuma luga. Lo bay tin protestanan cu ta organisa y lo cer’e cu un evento grandi, unda awor aki caba ta pidi tur artista local, yama na 5835400, bisa si nan por aporta.
Tambe por tuma contacto cu Marinus Weegereef na 5940903, pa bo aporte of mas informacion. Ta pidi tur artista pa uni. Ta bay tin orador entre esnan den comunidad. Ta importante pa duna e mensahe loud and clear. Sigui nan riba facebook, unda nan lo ta, cua localidadnan nan ta haci uso di dje. Ta recorda tur hende, parti mainta, bin bisti na preto. Aruba ta na luto. Ta un tristesa grandi. Dialuna a habri nos cu un tristesa grandi. Laga nos no lubida cu el a haci dolor. Diahuebs, duna bo mes e honor di tuma luto pa e dama aki. Sosten’e e famia. Sosten’e e yiunan cu ta sin nan mama. E nietonan cu lo bin y no conoce nan wela.
Gobierno ta haciendo su best, pero mester un tiki mas. Implementa e crisisplan, pone e placa manera mester ta, pa por sigui traha pa un miho Aruba.
