Un rato pasa Lotto di Aruba a caba di informa cu e sorteo # 1406 di Mini Mega awe nochi no a produci un ganado. Pues ningun cumprado a bet riba e combinacion di numbernan 16-17-19-23 y Mega Ball 14. Consecuentemente, e premio di Mini Mega ta sigui crece pa diamars awo te na Afl. 1.100.000,= mientras cu si hunga 2 florin mas, lo bo por gana e Mini Mega Plus cu a crece te na Afl. 550.000,= pa asina hunto e bira un solo premio cera di Afl. 1.650.000,=.
Lotto, e loteria di Aruba ta existi desde 1982 y tin diferente wega; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. E fundacion a sa di crece benta di e productonan durante e ultimo añanan te alcansa un record na 2017 di 50 miyon florin! Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
