Guido Maduro, acusa di a comete actonan di abuso sexual cu su mesun yiunan ora cu nan tabatin menos di 12 aña, tabata den Corte awe mainta pa e scucha su castigo. E acto a sosode entre e periodo di 2015 pa 2016. No solamente e acusado aki a haya su castigo, pero tambe e mester paga un suma di daño y perhuicio na e dos muchanan y mester paga gastonan di abogado di mama di e menornan.
Fiscal a bisa hues cu pa nan tur cos ta proba y no tin tempo pa perde pa cual a pidi 48 luna di cual 3 luna ta condicional, dos aña di prueba. Tambe a pidi pa bay di acuerdo cu e demanda di daño y perhuicio. A tene cuenta cu e ta un first-offender. Hues a bay di acuerdo cu e demanda di fiscal, a otorga e daño y perhuicio pero tambe mester paga gastonan di abogado di e menornan den e caso aki. Guido Maduro tin dos siman pa apela e decision aki.
Pa e articulo completo, lesa e edicion di TREMPAN di diasabra.
