E premio di MiniMega Plus a keda aden diamars. Esey ta nifica cu el a crece. El a yega 1 miyon florin. E ta e premio cu por drecha bo Pasco di Resureccion.
Patrick Fortin, vocero di Lotto, a splica cu awe, diaranson tin Lotto 5, cual jackpot ta 385 mil florin y tambe tin Lotto di Dia cu tambe a crece, cual ta 69 mil florin.
Pa bo haya bo Lotto di Dia y Lotto 5 ta facil. Lotto 5 normalmente ta cumpra 5 numbernan di combinacion di 01 pa 35 y e ticket ta costa 4 florin pa cada combinacion. Ta saca e premionan y e Joker bo por gana e prome, di dos of di tres, di cuater of di cinco premio.
Minimega
E premio aki ta e prome grande pa e aña aki. Januari no tabata tin un jackpot asina grandi. El a wordo gana December. Tabata tin e jackpot cu a yega 1.425 miyon. A cuminsa Januari cu a cuminsa cu e jackpot normal.
1 miyon
Segun Fortin, manera cu e jackpot a crece a sinti e movecion den pueblo. Tin hopi hende ta cumpra ora cu e jackpot yega 1 miyon. Kiermen tin mas hende ta cuminsa cumpra Minimega.
Miho cumpra awo cu ta tempran
Ta consehabel pa cuminsa cumpra MiniMega for di tempran. Bo no sa nunca ora cu drukte yega y b’a lubida di bay cumpre y no ta den wega. Anto e ora net e numbernan cu bo gusta hunga a sali riba e dia ey.
Swipe
Na e oficina di Lotto den Paardenbaai y na San Nicolas, bo por swipe pa cumpra bo numbernan.
Con pa gana
E combinacion di MiniMega, bo mester scoge bo cuater numbernan di 01 pa 30 y e megaball ta 1 te cu 15. Ta combina bo cuater numbernan y ta scoge bo megaball y asina bo ta den wega pa diabierna awo bo por gana e 1 miyon florin. No lubida cu MiniMega ta 5 florin y pone 2 florin extra pa bo gana e Megaplus cu ta 1 miyon florin.
Cumpra lotto online
For di bo telefon y unda cu ta, bo por cumpra bo lotto. Si bo ta hopi druk, bay online riba website di Lotto pa registra y asina cu bo cuenta wordo aproba, y asina bo por bay cerca cualkier rebendedo pa bo top up y recarga bo cuenta pa bo cuminsa hunga online.
Tur esnan cu a registra caba y no a haya un email di confirmacion cu e ta aproba, pa bay eynan riba e website, pasobra si no a wordo Approved, ta pasobra no a pone ID ainda. Wak kico b’a usa pa bo username y password, upload e ID y cuminsa hunga online.
Mas hende awo ta aplicando pa e weganan online. Tambe tin hopi hende cu a wordo aproba caba y cu a cuminsa hunga online. Pero tambe tin varios hende cu mester upload nan ID ainda.
Asina ta awe, bo por busca bo Lotto 5, tambe bo Lotto di Dia, sin lubida e weganan di 4 number. Y pa diabierna, e cos lo bay rementa mes mes cu un miyon florin na premio. Cu 7 florin, bo por gana e premio di un miyon. Propecha, pasobra si bo kier drecha bo Pasco di Resureccion y tambe bo Semana Santa, purba bo suerte cu Aruba su Lotto, contribuyendo cu deporte local na tur momento.
