Diabierna anochi alrededor di 11:15 pm a sosode un accidente peculiar. Aki ta caminda cu chauffeur di un Ford Explorer color blanco numera A-29703 a dal y baha un gate di un cura di cas abou na Alto Vista.
Ta trata di cas di un famia masha respeta na Aruba. Comosifuera poco e chauffeur a surpasa e limite permiti despues cu polis a haci un test di alcohol cu ne. Prome cu a basha e gate abou, el a ranca un cadena tambe.
Pues, no sa si ta intencionalmente el a haci e acto aki of no. En fin, a detene y transport’e pa warda di polis caminda a present’e dilanti un subfiscal kende lo dicidi sea riba su encarcelacion of libertad.
