Diabierna anochi alrededor di 9:35 pm a sosode un accidente riba Yaraweg. Aki ta caminda cu chauffeur di un auto marca Toyota modelo Yaris pa un motibo of otro a perde control y dal contra di un cura di cas. A kibra e cura por completo. E chauffeur su actitud tabata masha sospechoso.
Ta suficiente motibo pa e polis haci un test di alcohol cu ne. Comosifuera poco e chauffeur a lanta cu e polis femenino y cuminsa papia masha fresco.
Mesora a pidi refuerso. A detene e chauffeur y bay cu ne direccion di warda di polis caminda a present’e dilanti un subfiscal. Cu takelwagen a lanta e auto y bay cu ne.
