Algo pasa di 3or y 15 di madruga, patruya di Santa Cruz a ser dirigi riba e caminda di Cashero. Melding a drenta cu tin un auto para mey mey di caminda y e persona no ta duna señal di bida. Na yegada di patruya enberdad a bin topa ku un Chevrolet S-10 color shinishi numera A-58925 para mey mey di caminda y cu ta forma un peliger pa trafico. Polis a bay atende cu e manehador y despues di un rato el a lanta for di soño. E manehador tabata pata pata drumi den auto. Polis a dicidi di transporta e homber pa su cas pa asina e bay sosega su body. E auto keda atras pa despues ora e ta bon bek sin cansancio buske pa sigui su campaña.
