Polis ta tuma brommer den beslag

2278

Diahuebs den careda di 3:40 pm polis tawata riba caminda ta core rond y a bin topa un persona ta pusha un brommer riba e rotonde di Paradera y Bloemond unda cu polis a par’e mesora.

A bin constata cu e brommer no tawata tin plachi number y un rato despues e doño mes di e brommer a presenta cu su papelnan den man y mustra polis cu e tin tur su documento nan na ordo.

Solamente e plachi number e ta hay’e te maart y cu el a paga su number di aña 2020 solamente cu belasting ta entregue den maart.

Polis ta tuma brommer den beslag

Polis ta tuma brommer den beslag. Click link pa mas https://24ora.news/2SHNEOj

Posted by 24ora on Thursday, February 13, 2020

E polisnan no a worry y a bis’e cu nan ta bay tum’e den beslaag pasobra e tawata riba caya sin e plachi di number y pushando esaki. A surgi un discusion entre e dos partidonan, cu e doño insistiendo cu e Polisnan cu nan no tawata coriendo e brommer.

Simplemente e amigo tawata bezig ta chek dicon e no ta start. Hasta el a bisa polisnan mishi y wak cu e brommer no ta cayente. Apesar di esey, e polisnan a yama takelwagen y nan a tuma e brommer den beslag.