Hose Figaroa: Ultimo grupo di refineria ta sali afo fin di februari

0
698

E fecha 31 di januari a pasa, sinembargo te ainda e caso di Citgo no ta “case close”. Den combersacion cu vice presidente y consehero huridico di sindicato Federacion di Trahadornan di Aruba (FTA), Hose Figaroa, a splica cu e negociacionnan a finalisa cu un pakete mehora pa gran parti di e trahadonan di e refineria. Pa nan e relacion di trabou a finalisa dia 31 di januari.

Tin un grupo di mas o menos 20 trahado cu a keda pa e periodo di transicion, y nan lo keda te fin di februari, pa despues pasa e operacion pa esun cu lo tuma over Citgo.

Operacion, Figaroa a enfatisa, no por bay plat pasobra e lo afecta aeropuerto y tur autonan na Aruba. Despues di e acuerdo ey, no a haya claridad di kico ta bay pasa despues di fin di februari.

Hose Figaroa: Ultimo grupo di refineria ta sali afo fin di februari

Hose Figaroa: Ultimo grupo di refineria ta sali afo fin di februari. click link pa mas https://24ora.news/2UNuZn2

Posted by 24ora on Thursday, February 13, 2020

Figaroa a conta e proceso cu a cana pa yega na un miho pakete di loke a wordo ofrece y cu ta similar na esun cu e prome grupo a haya (februari aña pasa).

Pa loke ta e refineria, no a tende nada kico ta bay pasa cun’e. E parti di importacion di fuel si lo mester sigui.

Den e pago cu e trahadonan a ricibi, a yega na un acuerdo cu Departamento di Impuesto cu ta bay cobra nan e tarifa special di 15%, cual e grupo anterior a paga tambe.