Economia facil no ta un opcion, pio ora ta tira atraco pa shen florin! Un rato pasa, alrededor di 7:00pm recherchenan di “atraco team” a pone man riba un sospechoso den Steenweg, net patras di ward’i polis na Playa. No ta un secreto cu e ultimo dianan a sosode varios atraco tras di otro.
Por corda con na Pos Chikito a atraca varios biaha, hasta hende di edad a bira victima. Ayera mes, den Santa Helenastraat a tira atraco y bay cu shen florin.
E sospechoso aki ta cuadra cu tur descripcion duna den un di e atraconan. Mester gradici comunidad di Aruba, cu ta fada di e atraconan aki y mas cu nunca ta aporta cu suministra informacion den forma confidencial na polis. Asina hunto nos ta caba cu e fenomeno robes aki, cu hobennan cu enbes di bay scol of traha, ta purba yega na placa na e forma di mas facil, simplemente dor di horta.
