Diabierna anochi e team di droga di polis a tene un entrada hudicial den Playa. Un punto di benta di droga den Colombiastraat ta unda nan a hit y canta bingo. E topa cu un cantidad considerabel di droga. A detene un persona y a transport’e pa warda di polis caminda lo present’e dilanti un subfiscal. Ta for di un rato caba cu polis tabata vigila e cas.
Parce un rato prome a detene algun persona cu a cumpra droga na e cas y a declara contra e bendedonan di droga. Den e mesun entrada hudicial aki, a confisca un scooter y bay cu ne warda. Ta pendiente mas detaye exacto di e caso aki.
