Polis a sali di tur banda den Santa Helenastraat pa asisti na un detencion. Un persona bou influencia a causa daño na un vehiculo staciona riba dicho caya.
Diabierna pasa di 9:00pm, a para un Nissan Sentra color cora na altura di Santa Helenastraat na Playa, caminda nan a para e auto debi cu e tabata core riba un flat tire tranki di dje.
Na momento cu e auto a bay baha di caminda, e la dal e auto na su man robes caminda cu un Toyota Celica shinishi tabata staciona. Polis a presencia y detene e chauffeur ey mes na sitio. A pone na vloer y pidi transporte policial. Control di polis ta bisto y nan no ta basila pa actua man duro contra cualkier persona cu ta comete un of otro acto contra ley.
A transport’e pa ward’i polis y a confisca e vehiculo. Desafortunadamente e ocupante femenino cu tabata compañe a keda na pia.
