Diadomingo, pa mas of menos 6’or y mey di atardi, por lo menos cuater patruya di San Nicolas, fuera un patruya mas for di Santa Cruz a presenta na Carnival Village pa asina tene un control den e area di e kiosconan, pa mira si ta tene distanciamento social, uzo di tapaboca, cu ta ancra den e reglanan stipula pa Departamento di Salud Publico.
Durante e control, polis a constata cu un di e kiosconan no tabata tin permiso pa bende alcohol y tambe por a tuma nota cu tabata tin basta hende na e sitio.
Di biaha a pidi refuerso di K9 Unit pa asina controla e situacion. Despues di esaki, patruya a sigui cu su rutina normal.
No lo descarta cu tipo di controlnan aki lo bay keda sosode, en particular durante fin di siman, caminda cu a nota cu tin basta aglomeracion na establecimentonan sea di bebida y/of cuminda.
Ta pa e motibo ey mes ta urgi un y tur cu ta frecuenta luganan di bende cuminda, pa mantene nan mes na e reglanan stipula.
