No ta prome biaha cu polis ta hunga pa trahado social y intermedia sea ta entre problema di famia, di pareha of di bisiña.
Y esaki tabata e caso na Tanki Leendert unda cu pa 9:30 pm, nan mester a bay na un adres den dicho bario pa un pelea entre pareha cu aparentemente lo mester a bay fo’i man, te cu tata di e señora envolvi a drenta den discusion y indica cu su yerno lo a dal su yiu.
Na e sitio polis a papia c’e tata di e señora como tambe e homber envolvi den e problema y a logra calma e situacion.
Dado momento e homber a cuminsa grita su suegro dilanti polis. Aki ta caminda a para su careda y a pidie bandona e sitio pa asina evita causa mas problema.
