Un rato pasa alrededor di 6:10pm polis a hay’e ocupa un biaha cu fiesta clandestino. E biaha ‘ki ta na Piedra Plat, unda cu patruya di tur districto a presenta na Mya’s Secret Garden. Polis a presenta n’e dicho lugar di sorpresa.
Polis a pidi tur hende na un manera masha trankilo pa para e fiesta y bandona e luga mesora. Tur esaki mirando cu tabatin varios persona n’e fiesta y ningun hende tabata tene cuenta cu e reglanan ya conoci.
Polis di tur districto compaña pa comisario Hassell a logra core cu tur hende for di e luga. Alcohol tabata manera awa durante e fiesta aki, a nota esaki ora cu tur hende tabata sali for di e luga cu tur tipo di boter den nan man.
Ta hopi fiesta asina polis a bin ta para e ultimo dianan aki, y ta premira hopi mas caso positivo pa ora aña bolter si sigui den e direccion aki.